ડીસામાં રોટરી ક્લબ રોટેરીયન ડો. ડીકેશભાઇ ગોહીલની માનદ સેવાથી મોતીયાના તદ્દન ફ્રી ઓપરેશન કરવામાં આવે છે. જેમાં સારી ક્વોલિટીનો લેન્સ નાખવામાં આવે છે. જે અંતર્ગત સ્પોર્ટ્સ ક્લબ-ડીસાના નહેરૂનગર વિસ્તારમાં રહેતાં રૂખીબેન ઠાકોરનું મોતીયાનું સફળ ઓપરેશન સોમવારે કરાયું હતું.
આ ઓપરેશનની વિશેષતા એ હતી કે, ‘રૂખીબેનને ડાયાબીટીસની પણ બીમારી હતી. જેમની તદ્દન ફ્રી ટ્રીટમેન્ટ રો. ડો.બળવંતભાઇ પંચાલ દ્વારા કરી ડાયાબિટીસ કંટ્રોલ કરાયું હતું. ત્યારબાદ સફળ ઓપરેશન ડો.ડીકેશભાઇ ગોહીલે કર્યું હતું.
આ પ્રોજેક્ટ છેલ્લા ૩ વર્ષથી રો. પ્રવિણભાઇ વ્યાસના સહયોગથી ચલાવવામાં આવે છે. જેમાં લેબોરેટરીની સેવા ગાયત્રી લેબના રો.નટુભાઇ પટેલ દ્વારા આપવામાં આવે છે. જ્યારે રોટરીયન મિત્રોના સહીયારા પ્રયાસથી રૂખીબાને નવી દ્રષ્ટિ મળી હતી.’
From – Banaskantha Update
