પાટણ શહેરમાં લીંબચ માતાની પોળમાં એક મકાનની છત ધરાશાયી થતાં દોડધામ મચી જવા પામી હતી. મંગળવારે રાત્રે નવ વાગ્યા આજુબાજુ મકાનની છત ધરાશાયી થઇ હતી. જો કે, સદનસીબે આ દુર્ઘટનામાં કોઇ જાનહાની થઇ નથી.
[google_ad]
આ અંગેની વિગત એવી છે કે, પાટણ શહેરના લીંબચ માતાજી પોળ વિસ્તારમાં રહેતાં લિંબાચીયા કિશન વશુંદેવ ભાઈનું જૂનું મકાન જર્જરીત હાલતમાં હતું. ત્યારે મંગળવારે રાત્રે 9 વાગ્યા આસપાસ મકાનના પહેલાં માળની સમગ્ર છત એકાએક ધરાશાયી થઈ કાટમાળ નીચે પડતાં ધડાકાભેર અવાજથી વિસ્તારમાં હલચલ મચી ગઇ હતી.
[google_ad]
ધડાકાભેર અવાજથી આજુબાજુના રહીશો ઘરમાંથી બહાર દોડી આવ્યા હતા. જો કે, સદનસીબે ઘરમાં એકલા રહેતાં કિશન ઘટના દરમિયાન ઘરમાં જ હોવાથી અને આસપાસ અન્ય બાળક કે રહીશ ન હોવાથી કોઈને ઇજાઓ ન પહોંચતાં મોટી દુર્ઘટના ટળી હતી.
From – Banaskantha Update
