ડીસા પાટણ હાઈવે રોડ પર આવેલ જુનાડીસા નજીક નગરપાલિકા દ્વારા બનાવેલ ડમ્પિંગ સાઈડમાં અચાનક આગ લાગતાં અહીંથી પસાર થતાં વાહનચાલકો ધૂમાડાના કારણે ભારે હાલાકી ભોગવી હતી.
[google_ad]
ડીસા શહેરી વિસ્તાર સ્વચ્છ સુંદર અને રળિયામણું રહે તે માટે ડીસા નગરપાલિકા દ્વારા ઘેર-ઘેર કચરો ઉઠાવવામાં આવે છે. અને આ તમામ કચરો ડીસા નગરપાલિકાના વાહનો દ્વારા ડીસા પાટણ હાઈવે પર આવેલ જુનાડીસા પાસે લાખો રૂપિયાના ખર્ચે બનાવેલ ડમ્પિંગ સાઈડમાં નાખવામાં આવે છે.
[google_ad]
પરંતુ આ ડમ્પીંગ સાઇટના કારણે અવારનવાર લોકો ભારે હાલાકીનો સામનો કરે છે. ત્યારે જુનાડીસા પાસે નગરપાલિકા સંચાલિત ડમ્પીંગ સાઇટ માં આગ લાગતા લોકો ભારે હાલાકી ભોગવી હતી.
[google_ad]
ખાસ કરીને દિવસ દરમિયાન આગના કારણે આજુબાજુ ધૂમાડો પડતાં વાહનચાલકો ભારે પરેશાન થયા હતા. તે ઉપરાંત આ વિસ્તારની આજુબાજુ અનેક પરિવારો વસવાટ કરે છે. તેઓએ પણ ધૂમાડાની ઘટનાઓના કારણે ભારે હાલાકી ભોગવવી પડી હતી.
[google_ad]
તો બીજી તરફ રાત્રિના સમયે જુનાડીસા રોડ પર આગના કારણે અહીંથી પસાર થતાં વાહનચાલકોને ધૂમાડાના કારણે કશું જ ન દેખાતાં વાહનચાલકો ભારે હાલાકી ભોગવવી પડી હતી. ત્યારે સ્થાનિક લોકો અને વાહન ચાલકોની માંગ છે કે આ ડમ્પીંગ સાઈડ ક્યાંક યોગ્ય જગ્યાએ લઈ જવામાં આવે તો વારંવાર આગ લાગવાની ઘટનાથી લોકોને પરેશાન થવું પડે નહીં
From – Banaskantha Update
