બનાસકાંઠા એલ.સી.બી પોલીસે ગઢ વિસ્તારમાંથી વિદેશી દારૂની 347 નંગ બોટલ સહીત કુલ રૂ. 5.37 લાખનો મુદ્દામાલ જપ્ત કરી ગઢ પોલીસે વધુ તપાસ હાથ ધરી છે.
આ અંગેની વિગત એવી છે કે, બનાસકાંઠા એલ.સી.બી. પોલીસ ગઢ વિસ્તારમાં પેટ્રોલિંગમાં હતી. તે દરમિયાન ડીસા તરફ એક આઇ-20 કાર નં. GJ-18-BF-5796 માં વિદેશી દારૂ ભરી ચંડીસર તરફ આવનાર છે. જે બાતમીના આધારે ચંડીસર હાઇવે રોડ પુલ ઉપર પોલીસે વોચ ગોઠવી હતી.
પોલીસની વોચ દરમિયાન આઇ-20 કારનો પીછો કરતાં ચંડીસર પુલ નીચે આઇ-20 કાર મૂકી કારનો ચાલક ફરાર થઇ ગયો હતો. પોલીસે ગાડી જોતાં વિદેશી દારૂની 347 બોટલ નંગ જેની કિંમત રૂ. 1.37 લાખનો મુદ્દામાલ અને આઇ-20 કાર સાથે રૂ. 5,37,400 નો કુલ મુદ્દામાલ જપ્ત કર્યો હતો. આ અંગે ગઢ પોલીસે શખ્સ સામે પ્રોહીબીશન એક્ટ મુજબ ગુનો નોંધી ઝડપી પાડવા ચક્રો ગતિમાન કર્યાં છે.
From-Banaskantha update