ડીસા તાલુકાના વાસણા ગામના સંતોષીગોળીયા ખાતે એક કરિયાણાની દુકાનને શખ્સોએ નિશાન બનાવી રૂ. 45 હજારના મુદ્દામાલની ચોરી કરી પલાયન થઈ જતાં દુકાન માલિકે અજાણ્યા શખ્સ વિરુદ્ધ ડીસા તાલુકા પોલીસ મથકે ફરિયાદ નોંધાવી છે.
[google_ad]
આ અંગેની વિગત એવી છે કે, બનાસકાંઠા જીલ્લામાં ચોરોની ગેંગ શહેર બાદ હવે ગામડામાં સક્રીય થઇ છે. એક પછી એક ગામડામાં ચોરીના બનાવો હવે સામે આવી રહ્યા છે. ત્યારે ડીસા તાલુકાના વાસણા ગામે આવેલ સંતોષી ગોળીયા ખાતે રહેતાં હીરાભાઈ ચુનાભાઈ માળી પોતાના ગામમાં કરિયાણાની દુકાન ચલાવી પોતાના પરિવારનું ગુજરાન ચલાવે છે.
[google_ad]
ગત મોડી રાત્રે હીરાભાઈ માલિકની કરિયાણાની દુકાને તસ્કરોએ નિશાન બનાવી કરિયાણાની દુકાનમાં પડેલ એલ.સી.ડી., હોમ થિયેટર, કેમેરાની હાર્ડડીક્સ ,જેની કિંમત રૂ. 15 હજાર અને કરિયાણાનું સામાન જેમાં તેલના ડબ્બા બે નંગ,જેમાં પાંચ લિટરના તેલના ડબ્બા નંગ-7, ગોળની પેટી નંગ-2 20 કિલો, દાળના કટ્ટા એક નંગ, ચોખાનું કટુ એક નંગ, સાબુની પેટી નંગ-5 આમ કુલ રૂ. 45 હજારના મુદામાલની ચોરી કરી પલાયન થઈ જતાં હીરાભાઈ ચુનાભાઈ માળી ડીસા તાલુકા પોલીસ મથકે અજાણ્યા શખ્સ વિરુદ્ધ ફરિયાદ નોંધાવી છે.
From – Banaskantha Update
