લાખણી તાલુકાના મટું ગામમાં આજથી ચાર વર્ષ અગાઉ એક ખેતરમાં મહીલા પાણી ભરી રહી હતી. તે દરમિયાન તે જ ગામના એક શખ્સે આવી મહીલાને પાછળથી પકડી સાડલો ફાડી નાખી ઇજ્જત લેવાની કોશિષ કરી હતી. જે અંગે તે સમયે આગથળા પોલીસે ગુનો નોંધ્યો હતો. આ કેસ સોમવારે લાખણીની કોર્ટમાં ચાલી જતાં કોર્ટે આરોપીને બે વર્ષની સજા અને રૂા. એક હજારનો દંડ ફટકાર્યો છે.
[google_ad]
આ બનાવની વિગત એવી છે કે, લાખણી તાલુકાના મટું ગામમાં રહેતી એક મહીલા તા. 02/07/2017 ના બપોરે પોતાના ખેતરમાં બનાવેલ ઘર આગળ પાણીના ટાંકા પાસે પાણી ભરતી હતી. તે દરમિયાન મટું ગામના જ બાબુ જેઠાભાઇ પ્રજાપતિએ આવી મહીલાને પાછળથી પકડી સાડલો ફાડી નાખી ઇજ્જત લેવાની કોશિષ કરી હતી.
[google_ad]
આ મામલે તે સમયે આગથળા પોલીસે ગુનો નોંધ્યો હતો અને સોમવારે આ કેસ લાખણી કોર્ટમાં ચાલી જતાં સરકારી વકીલ વિજય એ. જોષીની દલીલો અને રજૂ કરેલા પૂરાવા ધ્યાને રાખી લાખણી યુ.મેજી.ફ.ક.કોર્ટના ન્યાયાધીશ એફ.આર.કોઠારીયાએ આરોપી બાબુ જેઠાભાઇ પ્રજાપતિને ઇ.પી.કો.કલમ-354 માં તકસીરવાન ઠરાવી બે વર્ષની સખ્ત કેદની સજા અને રૂ. એક હજારનો દંડ ફટકાર્યો છે.
From – Banaskantha Update