ડીસામાં કાર્યરત આદર્શ વિદ્યા સંકુલમાં રવિવારે લાંબા સમયના વિરામ બાદ ટેક વિન્ડો રમતનું આયોજન કરાયું હતું. જેમાં બનાસકાંઠા જીલ્લામાંથી મોટી સંખ્યામાં વિધાર્થીઓ જોડાઇ અને પોતાનામાં રહેલું કૌશલ્ય બતાવ્યું હતું.
[google_ad]
ડીસાની આદર્શ વિદ્યા સંકુલમાં બનાસકાંઠા એસોસીએશન ઓફ ટેક વિન્ડો દ્વારા લાંબા સમયના વિરામ બાદ પ્રથમવાર સ્પર્ધાનું આયોજન કરાયું હતું. કોરોના વાયરસની મહામારીમાં છેલ્લા બે વર્ષથી શાળા-કોલેજો બંધ થતાં તમામ રમતો પર પ્રતિબંધ મૂકી દેવામાં આવ્યો હતો.
[google_ad]
સતત કોરોના વાયરસના કેસોમાં વધારો થતાં વિધાર્થીઓમાં કોરોનાનું સંક્રમણ વધે નહીં તે માટે સરકાર દ્વારા છેલ્લા બે વર્ષથી તમામ રમત-ગમતો બંધ કરી દેવામાં આવી હતી પરંતુ હવે કોરોના વાયરસની મહામારી ઓછી થઇ રહી છે તેમ તેમ સરકાર દ્વારા શાળા-કોલેજો શરૂ કરવામાં આવી છે અને હવે શાળા-કોલેજો શરૂ થતાંની સાથે જ રમત-ગમતની પણ શરૂઆત થઇ ગઇ છે.
[google_ad]
જેના કારણે લાંબા સમયના વિરામ બાદ વિધાર્થીઓ રમત-ગમત ક્ષેત્રે જોડાઇ અને પોતાનામાં રહેલું કૌશલ્ય ફરી એકવાર મેદાન પર બતાવી રહ્યા છે. ત્યારે રવિવારે ડીસાની આદર્શ વિદ્યા સંકુલમાં ટેક વિન્ડો સ્પર્ધાનું આયોજન કરાયું હતું. આ સ્પર્ધામાં મોટી સંખ્યામાં બનાસકાંઠા જીલ્લાની વિવિધ શાળાઓ માટે વિધાર્થીઓએ ભાગ લીધો હતો.
[google_ad]
આ પ્રસંગે અધ્યક્ષ રાણાભાઇ માળી, માધ્યમિક વિભાગના વ્યાયામ શિક્ષક હરેશભાઇ પવાયા, ઇશ્વરભાઇ રાવળ, રમેશભાઇ ઠાકોર, શામળભાઇ ચૌધરી, મનિષભાઇ માળી, વિવિધ તાલુકાના ટીમના મેનેજર અને કોચ ઉપસ્થિત રહ્યા હતા.
[google_ad]
સંસ્કાર ફાઉન્ડેશન દ્વારા સમગ્ર રમતનું આયોજન કરાયું હતું. આ રમતમાં જીલ્લાભરમાંથી મોટી સંખ્યામાં બાળકોએ ભાગ લઇ ઉત્સાહભેર પોતાનામાં રહેલું કૌશલ્ય બતાવ્યું હતું.