પાટણના બે પોલીસ કર્મચારીઓને તેમની ફરજમાં બેદરકારી દાખવવા બદલ પાટણ જીલ્લા પોલીસ અધિક્ષકના આદેશથી ફરજ મોકૂફ કરી દેવામાં આવ્યા છે. જેનાથી પોલીસ બેડામાં ખળભળાટ મચી ગયો છે. આ બંને પોલીસ કર્મચારીઓ પાટણ જીલ્લા કલેકટર કચેરીની પાછળ આવેલા ઇલેક્ટ્રોનિક વોટીંગ મશીન-વી.વી.પેટ મૂકવા અને સ્ટોર કરવા બનાવેલા ખાસ ભવન વેર હાઉસની સુરક્ષા માટે ફરજ પર મૂકાયા હતા.
[google_ad]
આ અંગેની વિગત એવી છે કે, પાટણ જીલ્લા કલેક્ટર કચેરીની ચૂંટણી શાખાના અધિકારીઓએ ગત. તા. 04/09/2021 ના રોજ કચેરીના ઉપરોકત ઇ.વી.એમ. અને વી.વી.પેટ વેર હાઉસની વહીવર્ટી કારણોસર ઓચિંતી મુલાકાત લીધી હતી. આ દરમિયાન અત્રે ફરજ પર મૂકાયેલા બંને પોલીસ કર્મચારીઓ ફરજ પર ગેરહાજર મળી આવ્યા હતા.
[google_ad]
જે અંગેનો રીપોર્ટ અધિકારીએ પાટણ કલેક્ટરને કર્યો હતો. તે અંગેની જાણ પાટણ જીલ્લા પોલીસ વડાને કરાઇ હતી. આ અંગે પૂરતી તપાસ બાદ પાટણ જીલ્લા પોલીસ હેડ ક્વાટર્સના બે પોલીસ કર્મચારીઓની તેમની ફરજમાં કસૂર જણાતાં તેઓને તાત્કાલીક અસરથી પોલીસ અધિક્ષક દ્વારા સસ્પેન્ડ કરવાનો હુકમ કરાયો હતો. જેની આ બંને કર્મચારીઓ કોન્સ્ટેબલો રાકેશસિંહ અને અખેરાજને સસ્પેનશનો હુકમની બજવણી કરાઇ હતી.
From – Banaskantha Update
