બનાસકાંઠા જીલ્લામાં ભગવાન પણ સુરક્ષિત નથી રહ્યા. ડીસા શહેરના વાડીરોડ વિસ્તારમાં અંબે માતાના મંદિરને તસ્કરોએ નિશાન બનાવીને મંદિરની દાન પેટી અને માતાજીના આભૂષણોની ચોરી કરી જતાં ચકચાર મચી ગઈ છે.
[google_ad]
સૌની રક્ષા કરતાં ભગવાન જ બનાસકાંઠા જીલ્લામાં અસુરક્ષિત હોય તેવું જોવા મળી રહ્યું છે. વેપારી મથક ડીસા શહેરમાં તસ્કરોએ વાડીરોડ વિસ્તારમાં આવેલા અંબે માતાના મંદિરને નિશાન બનાવ્યું છે. આ મંદિર ભકતોમાં અનેરી આસ્થા ધરાવે છે અને અસંખ્ય ભક્તો તેમની રક્ષા માટે માતાજીને પ્રાર્થના કરતાં હોય છે. પરંતુ લોકોની આસ્થાના પ્રતિક સમાન અંબે માતાના આ મંદિરને તસ્કરોએ નિશાન બનાવ્યું છે.
[google_ad]
આ મંદિર શહેરના ભરચક વિસ્તારમાં આવેલું છે અને રાત્રિ દરમ્યાન તસ્કરોએ આ મંદિરમાં રાખવામાં આવેલી દાન પેટી અને માતાજીનાં આભૂષણોની ચોરી કરી ગયા છે. વહેલી સવારના સમયે જ્યારે આ મંદિર પર દર્શનાર્થીઓ માતાજીનાં દર્શન કરવા માટે પહોંચ્યા ત્યારે મંદિરમાં ચોરી થઈ હોવાનું જણાઈ આવતા આ ઘટનાની જાણ સ્થાનિક પોલીસને કરી હતી. અંબાજી મંદિરમાં અંદાજિત રૂ. 30,000 ની ચોરી થઈ હોવાનું પ્રાથમિક અનુમાન લગાવવામાં આવી રહ્યું હોવાનું સ્થાનિકો જણાવી રહ્યા છે.
[google_ad]
લોકોની રક્ષા કરનાર ભગવાનના મંદિરો જ્યારે સુરક્ષિત ના રહેતા હોય ત્યારે સામાન્ય લોકોની સુરક્ષાની તો વાત જ શું કરવી..? ડીસાના વાડીરોડ વિસ્તારમાં આવેલા મંદિર પર બનેલી ચોરીની ઘટના પોલીસની કામગીરી પર પણ સવાલ ઉઠાવી રહી છે. જે રીતે પોલીસ શ્રાવણ માસમાં ખૂણા-ખાંચરામાં રમતા જુગારની હકીકત મેળવી શક્તિ હોય તો જાહેર માર્ગ પર આવેલા લોકોની આસ્થા સમાન મંદિરમાં થતી ચોરીની ઘટનાઓ કેમ અટકાવી શક્તિ નથી.
From – Banaskantha Update
