ડીસા તાલુકાના કંસારી ગામમાં ગુરૂવારે એક દુકાન પર પીવાના પાણી બાબતને લઇને મારામારી સર્જાઇ હતી. આ ઘટનામાં 3 શખ્સોએ 2 યુવકો પર હુમલો કરતાં ઘાયલ યુવકોને સારવાર અર્થે ડીસા સિવિલ હોસ્પિટલમાં ખસેડાયા હતા.
આ અંગેની વિગત એવી છે કે, ડીસા સહીત સમગ્ર બનાસકાંઠા જીલ્લામાં મારામારીના બનાવો દિન-પ્રતિદિન સામે આવી રહ્યા છે.ત્યારે ગુરૂવારે ડીસા તાલુકાના કંસારી ગામમાં એક દુકાન પર રમેશભાઇ મફાભાઇ પરમાર અને
રાયચંદભાઇ મફાભાઇ પરમાર દુકાન પર પીવાનું પાણી માંગતા દુકાન પર બેઠેલા 3 શખ્સોએ દુકાન પર આવેલ રમેશભાઇ મફાભાઇ પરમાર અને રાયચંદભાઇ મફાભાઇ પરમારને અપમાનિત શબ્દો બોલી ઇંટ અને ધોકા વડે હુમલો કર્યો હતો.
આ હુમલામાં દુકાન પર પાણી પીવા માટે આવેલ 2 વ્યક્તિઓને માથાના ભાગે ગંભીર ઇજાઓ થતાં સારવાર અર્થે ડીસા સિવિલ હોસ્પિટલમાં ખસેડાયા હતા.
આ સમગ્ર ઘટનાના પગલે કંસારી પોલીસ સ્ટેશનમાં લોકોના ટોળેટોળા ઉમટી પડયા હતા. જ્યારે ઘાયલ તમામ 2 વ્યક્તિઓને 108 એમ્બ્યુલન્સ વાનમાં ડીસા સિવિલ હોસ્પિટલમાં ખસેડાયા હતા. આ અંગે ડીસા તાલુકા પોલીસ પણ ઘટનાસ્થળે પર પહોંચી વધુ તપાસ હાથ ધરી છે.
From-Banaskantha update