ધાનેરા તાલુકાની વાસણ ચેકપોસ્ટથી પોલીસે એક પેસેન્જર ગાડીમાં જઇ રહેલા તેલંગાણા છેતરપિંડી કેસના આરોપીને ઝડપી રૂ. 17.46 લાખના ધાતુના દાગીના સહીતનો મુદ્દામાલ જપ્ત કર્યો હતો. ધાનેરા પોલીસ મથકની ટીમ વાસણ ચેકપોસ્ટે વાહન ચેકીંગમાં હતી.
તે દરમિયાન ધાનેરા તરફથી આવતી ઇકો પેસેન્જર ગાડીમાં બેઠેલા રાજસ્થાનના જાલોર જીલ્લાના સાંતુના કૈલાશકુમાર છોગજીસિંહ કાનસિંહ રાજપુરોહીતને ઝડપી પાડયો હતો.
આ શખ્સ હૈદરાબાદ (તેલંગાણા) પી.એસ.માર્કેટ પોલીસ મથકમાં છેતરપિંડીના ગુનામાં સંડોવાયેલો હતો. જેની પાસેથી રૂ. 17,46,774 ની કિંમતની પીળી ધાતુના દાગીના અને ટુકડા કુલ વજન 338.88 ગ્રામ જપ્ત કરાઇ હતી.
From-Banaskantha update