અમીરગઢ પોલીસે પેટ્રોલિંગ દરમિયાન રાજસ્થાન તરફથી પાલનપુર જતી એક્સયુવી ગાડીને નાકાબંધી દરમિયાન ઝડપી પાડી હતી.
જેમાં કુલ રૂ. 5,71,000 નો મુદ્દામાલ જપ્ત કર્યો હતો. જ્યારે શખ્સની અટકાયત કરાઇ હતી. આ અંગે અમીરગઢ પોલીસે શખ્સ સામે પ્રોહીબીશન એક્ટ મુજબ ગુનો નોંધ્યો છે.
આ અંગેની વિગત એવી છે કે, અમીરગઢ પોલીસ પેટ્રોલિંગમાં હતી. તે દરમિયાન એક્સયુવી ગાડી નં. GJ-27-K-8234 માં વિદેશી દારૂ ભરી રાજસ્થાનથી અમીરગઢ થઇ પાલનપુર તરફ જવાનો છે.
તેવી ખાનગી બાતમી મળી હતી. જેના આધારે નાકાબંધી કરી ગાડીને રોકી તપાસ કરતાં ગાડીમાંથી વિદેશી દારૂની પેટી નંગ-29 કુલ બોટલ નંગ-996 મળી આવી હતી.
પોલીસે રૂ. 1,66,080 કિંમતનો દારૂ સહીત રૂ. 5,71,080 નો કુલ મુદ્દામાલ જપ્ત કર્યો હતો. જ્યારે કમલેશ રૂપજીભાઇ પ્રજાપતિને ઝડપી પાડયો હતો. આ અંગે અમીરગઢ પોલીસે શખ્સ સામે પ્રોહીબીશન એક્ટ મુજબ ગુનો નોંધી વધુ તપાસ હાથ ધરી છે.
From-Banaskantha update