બનાસકાંઠાના સરહદી વિસ્તારમાંથી એક આરોપી પોલીસને ચકમો આપી ફરાર થઈ ગયો હોવાની ઘટના સામે આવી છે. લૂંટ, અપહરણ અને પોસ્કોનો આરોપી તપાસ દરમિયાન ફરાર થઈ જતા માવસરી, થરાદ અને એલસીબીની (LCB) અલગ અલગ ટીમો આરોપીની શોધખોળમાં લાગી ગઈ છે.
[google_ad]
વાવ તાલુકાની માવસરી પોલીસે 2 દિવસ અગાઉ મુકેશ શંકરભાઈ ઠાકોર નામના આરોપીની અટકાયત કરી હતી. આ આરોપી અગાઉ પોસ્કો, લૂંટ અને અપહરણ જેવા ગંભીર ગુન્હાઓમાં સંડોવાયેલો હતો અને આ આરોપીની પોલીસે અટકાયત કરી તેના રિમાન્ડ મેળવ્યા હતા.
[google_ad]
તેમજ આરોપીને તપાસ માટે ટોભા ગામે લઇ ગયા હતા જ્યાં ટોભા ગામે પોલીસની ગાડીમાંથી ઉતરતી વખતે આરોપી પોલીસને ધક્કો મારે ત્યાંથી નાસી ગયો હતો, તે સમયે પોલીસે તેનો પીછો કરી પકડવાનો પ્રયાસ કર્યો હતો.
[google_ad]
પરંતુ આરોપી પોલીસને ચકમો આપી ફરાર થવામાં સફળ રહ્યો હતો બનાવને પગલે માવસરી થરાદ અને જિલ્લા એલસીબીની ટીમ પણ ઘટનાસ્થળે પહોંચી હતી. ફરાર આરોપી સામે માવસરી પોલીસે વધુ એક ગુન્હો નોંધી અલગ અલગ આઠ ટીમો બનાવી ફરાર આરોપીની શોધખોળ હાથ ધરી છે.
From – Banaskantha Update
