test

દિયોદર માં ૨૫ હજારની લાંચ લેતાં મામલતદાર અને ડ્રાઇવર ઝબ્બે

- Advertisement -
Share

મામલતદાર રુ. 25000ની લાંચ લેતા ઝડપાયા, ACBએ વધુ તપાસ હાથ ધરી

દિયોદર મામલતદાર પોતાના ડ્રાઇવર મારફત લાંચ લેતા એસીબીના હાથે ઝડપાઇ જતા ખળભળાટ મચી ગયો છે. નાગરિક પાસેથી ૨૫,૦૦૦ની લાંચ લીધા બાદ ઓફીસમાંથી નાણાં મળી આવતા બંને આરોપીની પુછપરછ માટે પાલનપુર એસીબી રેસ્ટહાઉસ લઇ ગઇ છે. ખનન માફીયાઓના રેતી ભરેલા ડમ્પર ઝડપવા નહિના સોદા પેટે હપ્તા સ્વરૂપે ડ્રાઇવર વતી લાંચ લેતા મામલતદાર પંચાલ આબાદ ઝડપાઇ જતા સમગ્ર બનાસકાંઠા જીલ્લાના વહીવટી આલમમાં તરખાટ મચી ગયો છે.
બનાસકાંઠા જીલ્લાના દિયોદર તાલુકા મામલતદાર પી.એસ.પંચાલ એસીબીની ટ્રેપમાં આવ્યા છે. મામલતદાર વતી ડ્રાઇવરને લાંચ લેતા પાલનપુર એસીબીએ ટ્રેપ ગોઠવી ઝડપી પાડતા હડકંપ મચી ગયો છે. કાંકરેજ પંથકમાં રેતીચોરી બેફામ હોઇ ડમ્પર ચાલકો વિરૂધ્ધ કાર્યવાહી નહિ કરવા મામલતદારે લાંચની માંગ કરી હતી. જેના હપ્તા પેટે રૂ.૨૫,૦૦૦ની રકમ સ્વિકારવાની વાત થઇ હતી. જેમાં નાગરિક લાંચ આપવા ઇચ્છુક ન હોવાથી પાલનપુર એસીબીનો સંપર્ક કરી વિગતો જણાવી હતી.
સુત્રોએ જણાવ્યુ હતુ કે, પાલનપુર એસીબીએ ગોઠવેલી ટ્રેપમાં દિયોદર મામલતદાર લાંચ લેતા ઝડપાઇ જતા વધુ પુછપરછના ભાગરૂપે રેસ્ટ હાઉસ લઇ જવાયા છે. જ્યાં મામલતદાર પંચાલ અને ડ્રાઇવરની એસીબી દ્રારા સઘન પુછપરછ કરવામાં આવી રહી છે. લાંચની રકમ મામલતદારની ઓફીસમાંથી મળી આવી હોવાથી આરોપીઓને બચવાનો માર્ગ અત્યંત કઠિન બન્યો છે. સૌથી મોટી વાત એ છે કે, ગેરકાયદેસર રેતી ખનન સામે અગાઉ ડીસા પ્રાંત એસીબીમાં ઝડપાઇ ગયા દિયોદર મામલતદાર પણ ઝડપાયા છે.

Share
- Advertisement -

Latest news

- Advertisement -
- Advertisement -
- Advertisement -

Related news

- Advertisement -
- Advertisement -

LEAVE A REPLY

Please enter your comment!
Please enter your name here

error: Content is protected !!