ગાંધીનગર શહેરમાં દારૂની મહેફિલ માણતા નબીરા અને યુવતીઓ મળીને કુલ 13 લોકોને ઈન્ફોસિટી પોલીસે પકડી પાડ્યા છે. શહેરના સરગાસણ સ્વાગત એફોર્ડ સોસાયટીના ફ્લેટ નંબર એક્સ-501માં દારૂની પાર્ટી ચાલી રહી હતી. જ્યાં દારૂની મહેફિલ માણી રહેલામાં 9 યુવતી અને 4 યુવકો મળીની ધરપકડ કરવામાં આવી હતી.
[google_ad]
ઈન્ફોસિટી પોલીસને મળેલી માહિતીના આધારે સરગાસણ સ્વાગત એફોર્ડ સોસાયટીના ફ્લેટ નંબર એક્સ-501માંથી દારૂની પાર્ટી ઝડપી પાડી હતી. પોલીસે ત્યાં પહોંચીને દારૂ પાર્ટી કરી રહેલા યુવક અને યુવતીઓને પકડી પાડ્યા હતા. પોલીસને ફરિયાદ મળી હતી કે, સ્વાગત એફોર્ડમાં ફ્લેટ નં-501માં છોકરા અને છોકરીઓ ભેગા મળીને જોર જોરથી સ્પીકર વગાડી રહ્યા છે. જેના કારણે પોલીસ ત્યાં પહોંચી હતી.
[google_ad]
પોલીસે તપાસ કરતા ફ્લેટમાં દારૂની મહેફિલ ચાલી રહી હતી. પોલીસના જણાવ્યા પ્રમાણે, પોલીસે નવ યુવતીઓ અને ચાર નબીરાને પકડી લીધા હતા. આ ઉપરાંત પોલીસે દારૂની બે બોટલ પણ કબ્જે કરી હતી. આ તમામ યુવક યુવતીઓ કોલેજના વિદ્યાર્થીઓ હોવાનું સામે આવ્યુ છે. તેઓ હોસ્ટેલમાં રહેતા હોવાનું જાણવા મળ્યું છે.
[google_ad]
આ ઉપરાંત જણાવ્યું હતું કે, નબીરાઓ અને યુવતીઓ સામે દારૂ પાર્ટીનો ગુનો નોંધવામાં આવ્યો છે. તેમની પાસેથી કોઈ ડ્રગ્સ મળ્યું નથી. તમામ લોકો સામે FIR નોંધવામાં આવી છે.
[google_ad]
પોલીસે પાર્થ રાજેન્દ્રભાઇ સોજીત્રાના કબ્જા ભોગવાટાવાળા મકાન નં એક્ષ/501 સ્વાગત એફોર્ડ સરગાસણ ખાતેથી પ્લાસ્ટિકના ગ્લાસ નંગ 13, સમ્રાટ નમકીનના તુટેલા પેકેટ નંગ 5 જપ્ત કરી કોવિડ મહામારી હેઠળ પણ યુવાનો વિરુદ્ધ ગુનો નોંધી કાનૂની કાર્યવાહી કરવામાં આવી છે.
From – Banaskantha Update
