ગુજરાતના પાટનગર ગાંધીનગરમાં આંતરરાષ્ટ્રીય સ્તરનું રેલવે સ્ટેશન બનાવવામાં આવ્યું છે. ગુજરાત સરકાર અને ઇન્ડિયન રેલવે સ્ટેશન ડેવલપમેન્ટ કોર્પોરેશનએ રચેલા સંયુક્ત સાહસ ગાંધીનગર રેલવે એન્ડ અર્બન ડેવલપમેન્ટએ સ્ટેશનનું નવીનીકરણ કર્યું છે. ગાંધીનગર કેપિટલ રેલવે સ્ટેશનનું અત્યાધુનિકરણ રૂ. 71.50 કરોડના ખર્ચે થયું છે.
[google_ad]
ભારતમાં ક્યાંય ન હોય એવું રેલવે સ્ટેશન ગુજરાતના ગાંધીનગરમાં બનાવવામાં આવ્યું છે. આ રેલવે સ્ટેશન પર 5 સ્ટાર હોટલ પણ તૈયાર કરવામાં આવી છે. આ રેલવે સ્ટેશન અનેક આધુનિક સેવાઓથી માંડીને પ્રાથમિક સુવિધાઓ પુરી પાડવામાં આવી છે.
[google_ad]
આ રેલવે સ્ટેશનની સૌથી ખાસ વાત એ છે કે રેલવે સ્ટેશન ફાઇવ સ્ટાર હોટલ નીચે બન્યું છે. ફાઇવ સ્ટાર હોટલમાં પહોંચવા માટે સ્ટેશનની અંદરથી જ એક ગેટ તૈયાર કરવામાં આવ્યો છે.
[google_ad]
સ્ટેશનની અંદર બનેલા આ ગેટની મદદથી મુસાફરો ટ્રેનથી ઉતરીને સીધા હોટલમાં પહોંચી શકશે. ફાઇવ સ્ટાર બિલ્ડિંગની નીચે મુખ્ય પ્રવેશ દ્વાર પાસે ટિકિટ વિંડો પાસે જ લિફ્ટ અને એસ્કાલેટર લગાવવામાં આવ્યું છે.
[google_ad]
સ્ટેશન પરિસર પર બનેલી નવી બિલ્ડિંગમાં એન્ટ્રી ગેટ, બુકિંગ, લિફ્ટ એસ્કલેટર, બુલ સ્ટોલ, ખાણીપીણીના સ્ટોલ સહિત તમામ સુવિધાઓ છે. તો બીજી તરફ અહીં બનેલી દિવાલો પર ગુજરાતના અલગ-અલગ મોન્યુમેન્ટ તસવીર પણ બનાવી છે. જેમાં રેલવે સ્ટેશનની અંદર બનેલી અયોધ્યા રામ મંદિરની તસવીર લોકોનું ધ્યાન પોતાની તરફ આકર્ષિત કરે છે.
[google_ad]
રેલવે સ્ટેશનની ઉપરની સાઇડ પર 300 રૂમની એક ફાઇવ સ્ટાર હોટલ બનાવવામાં આવી છે, જે હોટલ લીલા ગ્રુપ દ્વારા ચલાવવામાં આવશે. ગાંધીનગર રેલવે સ્ટેશન પર બનેલી આ ફાઇવ સ્ટાર હોટલની ખાસ વાત એ છે કે આ ગાંધીનગરની સૌથી ઉંચી બિલ્ડિંગ છે.
[google_ad]
આ બિલ્ડિંગથી લોકો આખા ગાંધીનગર, મહાત્મા મંદિર અને વિધાનસભાને એક જ લાઇનમાં જોઇ શકશે. અહીંથી મહાત્મા મંદિર અને દાંડી કુટીર ચાલતા જઇ શકે છે. આ રેલવે સ્ટેશન પર બનેલી 5 સ્ટાર હોટલથી લોકોને ફાયદો થશે. આગામી દિવસોમાં લોકોને હોટલ માટે પરેશાની વેઠવી નહી પડે.
[google_ad]
‘ભારતમાં ગાંધીનગર પહેલું રેલવે સ્ટેશન હશે જ્યાં પાટાની ઉપર 5 સ્ટાર હોટલની સુવિધા હશે. તમને જણાવી દઇએ કે ડિસેમ્બર 2020માં બનાવીને તૈયાર થવાની હતી પરંતુ કોરોના વાયરસની મહામારીના કારણે મોડું થયું.
[google_ad]
From – Banaskantha Update
