બનાસકાંઠા જીલ્લાના અમીરગઢ પોલીસે સોમવારે પેટ્રોલિંગ દરમિયાન રાજસ્થાન તરફથી આવતી દારૂ ભરેલી ટોયોટા ઇ.ટી.ઓસ. કાર બાતમીના આધારે ઝડપી પાડી હતી.
અમીરગઢ પોલીસે કુલ રૂ. 2.88 લાખનો મુદ્દામાલ જપ્ત કર્યો હતો. આ અંગે અમીરગઢ પોલીસે કાર ચાલક સામે પ્રોહીબીશન એક્ટ મુજબ ગુનો નોંધ્યો છે.
આ અંગેની વિગત એવી છે કે, અમીરગઢ પોલીસ સ્ટેશનના સ્ટાફે ટોયોટા ઇ.ટી.ઓસ. કાર રાજસ્થાન દારૂ ભરીને ગુજરાત તરફ આવવાની છે.
તેવી બાતમીના આધારે સોમવારે પેટ્રોલિંગ દરમિયાન આબુ-પાલનપુર હાઇવે પરથી કાર નં. GJ-08-CC-2825 નો પીછો કરી દારૂ ભરેલી કાર ઝડપી પાડી હતી.
કારમાંથી વિદેશી દારૂની અલગ-અલગ બ્રાન્ડની નાની-મોટી બોટલો અને બિયર ટીન મળી કુલ 168 બોટલ જેની કિંમત રૂ. 38,820 સહીત કુલ રૂ. 2,88,820 નો મુદ્દામાલ જપ્ત કર્યો હતો.
કારનો ચાલક કાર મૂકી નાસી છૂટ્યો હતો. આ અંગે અમીરગઢ પોલીસે કારના ચાલક સામે પ્રોહીબીશન એક્ટ મુજબ ગુનો નોંધી વધુ તપાસ હાથ ધરી છે.
From-Banaskantha update