બનાસકાંઠા જીલ્લામાં દિવસેને દિવસે માદક પદાર્થોની હેરફેરના કિસ્સાઓમાં વધારો થતો જઈ રહ્યો છે ત્યારે આજ રોજ થરાદ પોલીસને ચોક્કસ બાતમી હકિકત મળેલ કે પેસેન્જર ઇકો ગાડીમાં પાસ પરમીટ કે આધાર-પુરાવા વિનાનો માદક પદાર્થ અફીણના જથ્થાની હેરફેર થઇ રહી છે.
તે બાતમીના આધારે પોલીસ ખોડા ચેક પોસ્ટ વોચમાં હતા દરમ્યાન મળેલ બાતમી હકિકતવાળી પેસેન્જર ઇકો ગાડી આવતા તેને ઉભી રખાવી ઇકો ગાડીમાં બેઠેલ સવાઇસિહ જવસિહ રાજપુત રહે.બીસાલા તા. બાડમેર, રાજસ્થાન વાળાની અંગ જડતી કરતા તેના જાત કબ્જામાંથી ગેરકાયદેસર અને વગર પાસ પરમીટ કે આધાર-પુરાવા વિનાનો માદક પદાર્થ અફીણનો જથ્થો કુલ 23 ગ્રામ કુલ કીમત રૂ. 2300/- પોલીસે ઝડપી પાડ્યો હતો.
પોલીસે આરોપી પાસેથી 23 ગ્રામ અફીણનો જથ્થો જેની કીમત રૂ.2,300 અને મોબાઇલ ફોન-1 કીમત રૂા.3,000/- તથા એક આધારકાર્ડ અને રોકડ રકમ રૂા.300/- એમ મળી કુલ મુદામાલ રૂા.5,600/-નો રાખી મળી આવતા આરોપી સવાઇસિહ જવસિહ રાજપુતની વિરુદ્ધ NDPS એકટ મુજબ થરાદ પોલીસ સ્ટેશનમાં ગુનો દાખલ કરી કાયદેસરની કાર્યવાહી કરી.
From – Banaskantha update
