થરાદ પોલીસ સ્ટેશન વિસ્તારમાંથી એક દારૂ ભરેલી ઇકો ગાડી બનાસકાંઠા એલ.સી.બી પોલીસે ઝડપી પાડી. જેમાં એલ.સી.બી પોલીસે ગાડીમાંથી 1321 જેટલી બીયરની બોટલ જપ્ત કરી, બે ઇસમોને પકડી પાડી કુલ 4,15,150નો મુદ્દામાલ કબજે કરી કાયદેસરની કાર્યવાહી હાથ ધરી છે.
બનાસકાંઠા એલસીબી પોલીસ થરાદ પોલીસ સ્ટેશન વિસ્તારમાં પેટ્રોલીંગમાં હતી. તે દરમિયાન બાતમી મળી હતી કે, ખાનપુર ગામ નજીકથી ઇકો ગાડી દારૂ ભરીને હેરાફેરી કરે છે. જે બાતમીના આધારે એલસીબી પોલીસે ઇકો ગાડીની વોચ રાખતા એક શંકાસ્પદ ઇકો ગાડી નંબર (GJ-27-AH-0431) રોકી તપાસ કરી હતી.
જે ઇકો ગાડીમાંથી ભારતીય બનાવટના વિદેશી દારૂ બીયરની બોટલ 1321 મળી આવી હતી. ઇકો ગાડી સહિત કુલ 4,15,150નો મુદ્દામાલ પકડી પાડી આરોપી સુરેશ ગણેશભાઇ વજીર તથા સંધા ગણેશભાઇ વજીર બંને રહે ખાનપુર તા.થરાદવાળાઓ વિરુદ્ધમાં થરાદ પોલીસ સ્ટેશનમાં કાયદેસરની કાર્યવાહી હાથ ધરી છે.
From – Banaskantha update