છેલ્લા 11 વર્ષથી પાલનપુરનો એક યુવક પોતાના જન્મદિવસની અનોખી ઉજવણી કરે છે. જેમાં ઉનાળાના ચાર માસ દરમિયાન આ યુવક પાલનપુરના ગુરુનાનક ચોકમાં પાણીની પરબ ખુલ્લી મૂકે છે અને ઉનાળામાં લોકોની તરસ છીપાવે છે.
સામાન્ય રીતે જન્મદિવસની ઉજવણી એક દિવસની હોય છે. પરંતુ આ યુવકની ઉજવણી ચાર માસ ચાલે છે. ચાર માસ નિયમિત રોજ લોકોને ઠંડું પાણી મળી રહે તેની વ્યવસ્થા કરે છે.
સમાજસેવા સાથે સંકળાયેલા પાલનપુરના હરેશ ચૌધરી નામના યુવક 11 વર્ષથી પાલનપુર ગુરુનાનક ચોકમાં પાણીની પરબ ખુલ્લી મૂકે છે. ચાર માસમાં ઉનાળામાં ધોમધખતા તાપમાં લોકોને તરસ છીપાવવાનું કામ કરે છે.
આ યુવક પોતાના જન્મ દિવસને યાદગાર બનાવવા માટે દર વર્ષે પાણીની પરબ ખુલ્લી મૂકી અને સેવાકીય પ્રવૃત્તિ કરે છે. ચાર માસમાં નિયમિત રોજ આવતા જતા હજારો લોકોને ઠંડું પાણી મળી રહી તે હેતુથી ઠંડા પાણીની મિનરલ વોટરની પરબ ખુલ્લી મૂકી છે અને ઉનાળામાં લોકોની તરસ છીપાવી પોતાના જન્મ દિવસને યાદગાર બનાવે છે.
From – Banaskantha Update