કેનાલ પરથી 2 મોબાઇલ, જાકીટ-સ્વેટર અને ચંપલ મળી આવતાં ચર્ચાઓ
વાવમાંથી પસાર થતી માલસણ બ્રાન્ચ કેનાલમાં યુવક-યુવતી પડયાની આશંકાએ લોકો કેનાલ પર દોડી આવી કેનાલમાં પાણી બંધ કરાવ્યું હતું. કેનાલ પરથી 2 મોબાઇલ, યુવક-યુવતીના જાકીટ-સ્વેટર અને ચંપલ મળી આવ્યા હતા.
વાવથી 4 કી.મી.ના અંતરે વાવ-ભાભર રોડ પરથી પસાર થતી માલસણ બ્રાન્ચ કેનાલની આજુબાજુના ખેતરોમાં ભાગ રાખી રહેતાં એક જ કોમના યુવક-યુવતી કેનાલ પર મોબાઇલ, જાકીટ-સ્વેટર અને ચંપલ મૂકી કેનાલમાં પડયાની આશંકાએ લોકો ઉમટ્યા હતા.
વાવ પોલીસને જાણ કરતાં વાવ પોલીસ ઘટનાસ્થળે જઇ મોબાઇલ જપ્ત કર્યાં હતા. જોકે, આ યુવક-યુવતી કેનાલમાં પડયા કે વસ્તુઓ મૂકી નાસી ગયા હોવાની પણ આશંકા સેવાઇ રહી છે.
હાલ કેનાલમાં પાણી બંધ કરાયું છે. જે જગ્યાએ યુવક-યુવતીના મોબાઇલ પડયા ત્યાં સાઇફન હોઇ તેમાં લોખંડના સળીયા અને કાદવ-કીચડ હોઇ ત્યાં શોધખોળ કરવી મુશ્કેલ બની છે.
From-Banaskantha update