બનાસકાંઠા જિલ્લાના અમીરગઢ નેશનલ હાઈવે પર એક કાર આગળ ગાય આવી જતા અકસ્માત સર્જાયો હોવાની ઘટના સામે આવી છે. જેમાં ગાયને બચાવવા જતાં કાર ડિવાઇડર સાથે અથડાતાં કારમાં સવાર ત્રણ યુવકોને ઇજાઓ પહોંચી હતી.
બનાસકાંઠા યોજના ગૃપમાં જોડાવા માટે અહીં ક્લિક કરો.
બનાસકાંઠા જિલ્લામાં અકસ્માતનો સીલસીલો યથાવત જોવા મળી રહ્યો છે. જેમાં આજે મંગળવારે પાલનપુર-આબુરોડ નેશનલ હાઈવે પર અમીરગઢ નજીક એક કાર આગળ અચાનક ગાય આવી જતાં કારચાલક ગાયને બચાવવા જતા કાર ડિવાઇડર સાથે અથડાઈ હતી.
જેના પગલે કારમાં સવાર ત્રણ લોકોને ઈજાઓ પહોંચતા સ્થાનિક લોકોની મદદથી તેમને અમીરગઢ રેફરલ હોસ્પિટલ ખાતે ખસેડવામાં આવ્યા છે. બનાવના પગલે અમીરગઢ પોલીસે ઘટનાસ્થળે પહોંચી વધુ તપાસ હાથ ધરી છે.
From – Banaskantha Update
