ડીસાના APMC માર્કેટની પાછળ આવેલ સ્કાય ઇન્ટરનેશનલ સ્કૂલ નજીક મોટા ભાઈએ પોતાના નાના ભાઈને માથાના ભાગે કુહાડીના ઘા મારી ઘાતકી હત્યા કરતા સમગ્ર પંથકમાં ચકચાર મચી જવા પામી છે.
[google_ad]
ડીસા સહિત સમગ્ર બનાસકાંઠા જિલ્લામાં હત્યા તેમજ આત્મહત્યાના બનાવવામાં વધારો થઈ રહ્યો છે ત્યારે ડીસા ખાતે મોટા ભાઈએ પોતાના ભાઈની ઘાતકી હત્યા કરતાં સમગ્ર પંથકમાં ચકચાર મચી જવા પામી છે.
[google_ad]
સમગ્ર ઘટનાની વાત કરવામાં આવે તો, ડીસા APMC માર્કેટની પાછળ આવેલ સ્કાય ઇન્ટરનેશનલ સ્કૂલની નજીક છાપરામાં રહેતા પિન્ટુ ઉર્ફે રસિક સંપતભાઈ દેવીપૂજક ઉંમર 21 તેની માતા અને તેના મોટા ભાઈ સુરેશભાઇ સંપતભાઇ દેવીપૂજક સાથે છાપરુ વાળી રહે છે.
[google_ad]
તેઓને અનેકવાર નાની નાની બાબતોમાં રગજક થતી પરંતુ ગઈકાલે રાત્રે બન્ને ભાઈ વચ્ચે સામાન્ય બોલાચાલી થતા પિન્ટુ ઉર્ફે રસિક સંપતભાઈ દેવીપૂજકને તેના મોટા ભાઈ સુરેશભાઇ સંપતભાઇ દેવીપૂજકે માથાના ભાગે કુહાડીના ઘા મારતા પીન્ટુ ઉર્ફે રસિક સંપતભાઈને માથાના ભાગે વધારે ઇજા થતાં પિન્ટુ ઉર્ફે રસિકનું મોત થયું હતું.
[google_ad]
મોટા ભાઇએ પોતાના નાના ભાઈની ઘાતકી હત્યા કરતાં સમગ્ર પંથકમાં ચકચાર મચી જવા પામી હતી. આ બનાવની જાણ થતા ડીસા દક્ષિણ પોલીસ ઘટનાસ્થળે દોડી આવી હતી અને મૃતકની લાશને ડીસા સિવિલ પી.એમ અર્થે ખસેડવામાં આવી હતી. જ્યારે ડીસા શહેર દક્ષિણ પોલીસે પોતાના નાના ભાઈની હત્યા કરનાર મોટા ભાઇ સુરેશ સંપકભાઇ દેવીપુજક, ઉ.વ.32ની અટકાયત કરી વધુ તપાસ હાથ ધરી છે તેમ ડીસાના નાયબ પોલીસ અધિક્ષક ઓઝાએ જણાવ્યું હતું.
From – Banaskantha Update
