ડીસા તાલુકાના ભીલડી ગામની ઇન્દીરાનગર વિસ્તાર નજીક સોમવારે ભીલડી-ડીસા રેલ્વે લાઇન પર અજાણ્યા યુવકે અગમ્ય કારણોસર પડતું મૂકી જીવનલીલા સંકેલી હતી.
આ ઘટનાના પગલે ઘટનાસ્થળે લોકોના ટોળેટોળા ઉમટ્યા હતા. આ અંગે ભીલડી રેલ્વે પોલીસને જાણ કરતાં પોલીસની ટીમ ઘટનાસ્થળે દોડી આવી તપાસ હાથ ધરી હતી.
આ અંગેની વિગત એવી છે કે, ડીસા તાલુકાના ભીલડી ગામની ઇન્દીરાનગર વિસ્તાર નજીક સોમવારે ભીલડી-ડીસા રેલ્વે લાઇન પર અજાણ્યા યુવકે અગમ્ય કારણોસર પડતું મૂકતાં અરેરાટી વ્યાપી ગઇ હતી. આ બનાવના પગલે ઘટનાસ્થળે લોકોના ટોળેટોળા ઉમટ્યા હતા.
અજાણ્યા યુવકે ક્યા કારણથી અંતિમ પગલું ભર્યું છે તેને લઇ અનેક તર્ક-વિતર્કો સર્જાયા છે. આ અંગે ભીલડી રેલ્વે પોલીસને જાણ કરતાં પોલીસની ટીમ ઘટનાસ્થળે દોડી તપાસ હાથ ધરી હતી.
જ્યારે મૃતકની લાશને પી.એમ.અર્થે ભીલડી સી.એચ.સી. માં ખસેડી હતી. આ યુવક ક્યાંથી આવ્યો તેને ક્યા કારણથી આપઘાત કર્યો તેને લઇ અનેક શંકા-કુશંકા સેવાઇ રહી છે. આ અંગે ભીલડી પોલીસે હાલ અકસ્માતે મોતનો ગુનો નોંધી વધુ તપાસ હાથ ધરી છે.
From-Banaskantha update
