રેલ્વેના અધિકારીઓ ઘટનાસ્થળે દોડી આવ્યા
બનાસકાંઠા જીલ્લાના ડીસાના ભીલડી જેનાલ નજીક બુધવારે વહેલી સવારે ડેમો ટ્રેન પટરી પરથી ઉતરી જતાં લોકોમાં દોડધામ મચી ગઈ હતી. જેમાં જોધપુર ડીવીઝનની પેસેન્જર ટ્રેનનું એન્જિન અને ડબ્બો પટરી પરથી ઉતરી જતાં અકસ્માત સર્જાયો હતો. જો કે, આ ઘટનામાં સદનસીબે જાનહાની ટળી હતી.
આ અંગેની વિગત એવી છે કે, પાલનપુરથી વાયા ભીલડી થઈ બુધવારે વહેલી સવારે જોધપુર જતી ડેમો ટ્રેન પાટા પરથી ઉતરી હતી. પેસેન્જર ટ્રેન પાટા પરથી ઉતરી જતાં આ અકસ્માતમાં સદનસીબે કોઇ જાનહાની થઇ નથી. આ ઘટના અંગેની જાણ થતાં રેલવે અધિકારીઓ અને આર.પી.એફ.ની ટીમ ઘટનાસ્થળે દોડી આવી હતી.
From – Banaskantha update
