test

બનાસકાંઠાના થરાદમાં માતાની નજર સામે પ્રેમીએ તેના દોઢ વર્ષના પુત્રનું ગળું દબાવી હત્યા કરી

- Advertisement -
Share

થરાદના ચારડાની પરિણીતા ચાર દિવસ અગાઉ વાવ બસ સ્ટેન્ડથી તેના દોઢ વર્ષના પુત્રને લઇ થરાદના ભોરડું ગામના પ્રેમી સાથે નાસી ગઇ હતી. જે બન્ને જેતડા ગામે સબંધીના ઘરે રોકાયા હતા. ત્યારે સવારે પુત્ર વારંવાર રડતો હોઇ પકડાઇ જવાના ડરથી માંએ મોઢું દબાવી પ્રેમી માસૂમ બાળકનું ગળું દબાવી નિર્મમ હત્યા કરી દિધી હોવાનો સનસનાટીભર્યો કિસ્સો બહાર આવતાં સમગ્ર પંથકમાં ભારે ચકચાર સાથે માતા ઉપર ફિટકાર વરસી રહ્યો છે. આ અંગે પિતાએ પોતાની પત્ની અને તેના પ્રેમી સામે થરાદ પોલીસ મથકે ફરિયાદ નોંધાવતાં પોલીસે ગણતરીના કલાકમાં જ બન્ને ઝડપી લઇ જેલના સળીયા પાછળ ધકેલી દિધા હતા.

વાવ તાલુકા બુકણા ગામના અને હાલ થરાદ તાલુકાના ચારડા ગામે ભાગીયા તરીકે કામ કરતા ભરતભાઇ નાગજીભાઇ ઠાકોરના લગ્ન થરાદ તાલુકાના પીરગઢ ગામે રહેતાં ભુરાભાઇ ગણેશભાઇ ઠાકોરની દિકરી મંજુલાબેન સાથે ચાર વર્ષ અગાઉ થયા હતા. જેમને લગ્ન જીવન દરમિયાન એક પુત્ર રવિ ઉર્ફે સંદિપ ઉં.વ.દોઢ વર્ષ જન્મ્યો હતો. દરમિયાન શનિવારના દિવસે તેમના વતન બુકણા ગામે માતાજીનું નૈવેધ કરવાનું હોઇ પતિ, પત્ની અને પુત્ર ચારડાથી પોતાના વતન ગયા હતા. જ્યાંથી રવિવારે પરત આવતી વખતે વાવ બસ સ્ટેન્ડ ખાતે લઘુશંકા કરવાનું બહાનું કાઢી મંજુલાબેન તેમના પુત્રને લઇ થરાદ તાલુકાના ભોરડુંના પ્રેમી ઉદાભાઇ અમીચંદભાઇ માજીરાણાની સાથે તેના બાઇક ઉપર નાસી ગયા હતા. જે બન્ને જેતડા ગામે સબંધી ભુદરાભાઇ રાજપુતના માતાજીના મંદિરવાળા ઘરે રોકાયા હતા. ત્યારે સવારે 11 વાગ્યાના સુમારે પુત્ર રવિ ઉર્ફે સંદિપ રડરડ કરતો હોઇ ત્યાંથી આવ-જા કરતાં માણસો તેનો અવાજ સાંભળી માતા અને પ્રેમીને જોઇ ન જાય અને બન્ને પકડાઇ જવાના ડરથી તેણીના પ્રેમી ઉદાએ પુત્ર રવિ(સંદિપ)નું ગળું દબાવી નિર્મમ હત્યા કરી દીધી હતી. આ અંગે ભરતભાઇએ પોતાની પત્ની મંજુલા અને તેના પ્રેમી ઉદા સામે થરાદ પોલીસ મથકે ફરિયાદ નોંધાવતાં પોલીસે ગણતરીના કલાકમાં જ બન્નેને ઝડપી લઇ જેલના સળીયા પાછળ ધકેલી દીધા હતા. આ અંગે થરાદ પીઆઇ જે.બી.ચૌધરીએ ઘટના સ્થળે જઇ તપાસ હાથ ધરી હતી.

મંજુલાબેન અને તેના પ્રેમી ઉદાએ દોઢ વર્ષના રવિ ઉર્ફે સંદિપનું ગળું દાબી નિર્મમ હત્યા કરી દિધી હતી. જે બાદ મંજુલા મૃત દિકરા રવિ ઉર્ફે સંદિપને કપડામાં વિંટાળી તેના પીયર પીરગઢ ગામે આવી હતી. જ્યાં પુત્રની જીભ બહાર નિકળેલી અને ગળાના ભાગે વાગેલાનું નિશાન હોઇ આ અંગે પત્નીને પૂછતાં તેણીએ નફ્ફટાઇપૂર્વક કહ્યું હતું કે, પુત્ર રડરડ કરતો હોઇ અમે પકડાઇ ન જઇએ તે ડરથી ઉદાએ ગળું દબાવી તેની હત્યા કરી દીધી હતી.

વાવ બસ સ્ટેન્ડએ પત્ની મંજુલા તેના દોઢ વર્ષના પુત્ર રવિને લઇ પ્રેમી ઉદા સાથે બાઇક ઉપર બેઠી હતી. તે સમયે ભરતભાઇ તેમને જોઇ જતાં બન્ને રોકવા માટે તે બાઇક પાછળ દોડ્યો હતો.


Share
- Advertisement -

Latest news

- Advertisement -
- Advertisement -
- Advertisement -

Related news

- Advertisement -
- Advertisement -

LEAVE A REPLY

Please enter your comment!
Please enter your name here

error: Content is protected !!