ડીસા તાલુકામાં લોકડાઉનમાં પણ અનેક ઘટનાઓ બહાર આવી રહી છે ત્યારે આજે ડીસા તાલુકાના કંસારી ગામના એક ખેતરમાં સોમવારના દિવસે બે પ્રેમી પંખીડાઓ દ્વારા આંબાના ઝાડની ડાળી ઉપર લટકી ગળે ફાંસો ખાઈ આત્મહત્યા કરી.
છોકરીના પિતાના જણાવ્યા અનુસાર કંસારી ગામમાં ભાગીયા તરીકે બાજરીનું વાવેતર કર્યું હતું અને જણાવ્યું હતું કે મરનાર પવીબેન મદદરુપભાઈ ઠાકોર ઉંમર વર્ષ ૧૬ ગામ ફાગળીયા રાજસ્થાન અને લાલો આયદાનજી ઠાકોર ઉંમર વર્ષ ૨૧ ગામ બામણલા તા.બાડમેર નામ જણાયું હતું. છોકરો-છોકરી આસપાસમા માસીના દિકરા ભાઈ-બહેન થાય છે અને બંને સાથે મળીને આત્મહત્યા કરી છે જ્યારે ગામજનો દ્વારા પોલીસને જાણ કરતા ડીસા તાલુકા પોલીસ તાત્કાલિક ઘટનાસ્થળે પહોંચીને બંનેની લાશોને ઝાડની નીચે ઉતારી હતી અને ડીસા રૂરલ પોલીસ દ્વારા પી.એમ અર્થે મોકલી આગળની કાર્યવાહી હાથ ધરી.
