કોરોના વાયરસે દુનિયાની બીજી મોટી અર્થવ્યવસ્થા ચીનને હચમચાવી નાખી છે. વાયરસ હવે જેલોમાં પણ પગપેસારો કરી ચૂક્યો છે અને દેશભરમાં 2200થી વધુ લોકોના મોત થઇ ચૂક્યા છે. હાલની સ્થિતિને જોતા રાષ્ટ્રપતિ શી જિનપિંગે સત્તાધારી કોમ્યનિસ્ટ પાર્ટીના પદાધિકારીઓને ચેતવણી આપતા જરૂરી ઉપાયો કરવા માટે કહ્યું છે. દેશના સ્વાસ્થ્ય અધિકારીઓનું કહેવું છે કે આની ચિંતા ત્યારે વધી છે જ્યારે વાયરસ અલગ અલગ સ્થળોની જેલોમાં પણ પ્રવેશી ચૂક્યો છે. જેલમાં વાયરસ ફેલાતા ચીન ધરમ સંકટમાં મુકાયું છે.
- હુબેઈમાં પરિસ્થિતિ હજુ પણ ગંભીર
- પાંચ જેલોમાંથી વાયરસના 447 કેસ સામે આવ્યા
- કોરોના પર કાબૂ મેળવવાની ક્ષણો ઓછી થઇ રહી છેઃ WHO
શી જિનપિંગે શુક્રવારે પાર્ટીના સભ્યોને કહ્યું કે કોરોના હજુ પોતાના ઉચ્ચતર સ્તર (પીક) પર નથી પહોંચ્યો. સાઉથ ચાઉના મોર્નિંગ પોર્સ્ટના રિપોર્ટ અનુસાર, શી જિનપિંગે કહ્યું કે, હુબેઈ પ્રાંત અને વુહાનને બચાવવાની લડાઈ સારી રીતે લડી જાવી જોઇએ અને વાયરસના પ્રસારને રોકવાના ઉપાય થવા જોઇએ. હુબેઈમાં પરિસ્થિતિ હજુ પણ ગંભીર છે. ચીનમાં લોકો વાયરસનાપીક પર પહોંચવાની ખુબ રાહ જોઇ રહ્યા છે કારણ કે આનો મતલબ એ થશે કે આગળ આમાં ઘટાડો આવશે.
ચીનના પ્રતિષ્ઠિત સ્વાસ્થ્ય વિશેષજ્ઞ ઝૉન્ગ નૈનશાને મહિનાની શરૂઆતમાં કહ્યું હતું કે, આગામી 10-14 દિવસમાં વાયરસ પોતાના ઉચ્ચતમ સ્તરે હશે. એટલે ફેબ્રુઆરીના અંતમાં દર્દીઓની સંખ્યા ઝડપથી વધશે.
સ્વાસ્થ્ય અધિકારીઓ માટે ચિંતાની ક્ષણ ત્યારે બની ગઇ જ્યારે પાંચ જેલોમાંથી વાયરસના 447 કેસ સામે આવ્યા. વાયરસ હુબેઈ, શૉનડૉન્ગ અને ઝેઝિયાંગ વિસ્તારોમાં ફેલાઇ ચૂક્યો છે. ત્યારબાદ તંત્રએ જેલ અને ન્યાય વિભાગના કેટલાક અધિકારીઓને બરતરફ કરી દીધા.
દેશભરની જેલમાં મોનિટરિંગના આદેશ આપી દેવામાં આવ્યા છે. જેલથી આવેલા આંકડા બાદ હુબેઈ પ્રાંતના નોવેલ કોરોના વાયરસથી જોડાયેલ એક એકમે જણાવ્યું કે સંક્રમિત થનારા 631 નવા કેસ સામે આવ્યા છે. જ્યારે 115 નવા મોત થયા છે. ત્યારે, એકલા હુબેઈમાં સંક્રમિત લોકોની સંખ્યા 62,662 થઇ ગઇ છે. જેમાં 45,346 કેસમાં પુષ્ટિ કોરોનાના કેન્દ્ર હુબેઈના વુહાન શહેરમાં થઇ છે.
કોરોના પર કાબૂ મેળવવાની ક્ષણો ઓછી થઇ રહી છેઃ WHO
આ વચ્ચે, વિશ્વ સ્વાસ્થ્ય સંગઠનના પ્રમુખ ટેડ્રોસ એધાનોમ ઘેબ્રેયેસસે શુક્રવારે ચેતવણી આપી છે કે કોરોના વાયરસના ફેલાવ પર રોકની સંભાવના ઓછી થતી જઇ રહી છે.
